District News
പാലക്കാട്: കേന്ദ്രസർക്കാർ അടിക്കടി ഇന്ധനവില വർധിപ്പിക്കുന്ന നടപടിക്കെതിരേ ഐഎൻടിയുസി മലന്പുഴ റീജണൽ കമ്മിറ്റിയുടെ നേതൃത്വത്തിൽ ചന്ദ്രനഗർ പോസ്റ്റ് ഓഫീസിനു മുൻവശം പന്തം കൊളുത്തി പ്രകടനം നടത്തി.
ഐഎൻടിയുസി ജില്ലാ പ്രസിഡന്റ് എസ്.കെ. അനന്തകൃഷ്ണൻ ഉദ്ഘാടനം ചെയ്തു.റീജണൽ പ്രസിഡന്റ് പി.കെ. ജ്യോതിപ്രസാദ് അധ്യക്ഷത വഹിച്ചു. നേതാക്കളായ പി.കെ. ജോഷി, എൻ. രവീന്ദ്രൻ, രമേഷ്, എ.സി. സിദ്ധാർഥൻ, വി. രാംകുമാർ, സുരേഷ്, ചന്ദ്രൻ, എ. സുരേഷ്, പി.സി. പ്രേമൻ, എം.കെ. മുകേഷ്, ജബ്ബാർ, രാജൻ പ്രസംഗിച്ചു.
District News
കാഞ്ഞങ്ങാട്: കേന്ദ്രസര്ക്കാര് ഇന്ധനവില കുത്തനെ വര്ധിപ്പിച്ച നടപടിയില് പ്രതിഷേധിച്ച് യൂത്ത് കോണ്ഗ്രസ് ജില്ലാ കമ്മിറ്റിയുടെ നേതൃത്വത്തില് കാഞ്ഞങ്ങാട് ട്രെയിന് തടഞ്ഞു പ്രതിഷേധിച്ചു. രാവിലെ 11.45നു കാഞ്ഞങ്ങാട് റെയില്വേ സ്റ്റേഷനില് എത്തിയ ഇന്റര്സിറ്റി എക്സ്പ്രസ് തടഞ്ഞുകൊണ്ട് പ്രതിഷേധിച്ച യൂത്ത് കോണ്ഗ്രസ് പ്രവര്ത്തകരെ പോലീസ് ബലംപ്രയോഗിച്ച് നീക്കം ചെയ്തു.
ഡിസിസി വൈസ് പ്രസിഡന്റ് ബി.പി. പ്രദീപ്കുമാര് ഉദ്ഘാടനം ചെയ്തു. യൂത്ത് കോണ്ഗ്രസ് ജില്ലാ പ്രസിഡന്റ് കെ.ആര്. കാര്ത്തികേയന് അധ്യക്ഷത വഹിച്ചു. കെ.പി. ബാലകൃഷ്ണന്, അനൂപ് കല്യോട്ട്, മാര്ട്ടിന് ജോര്ജ്, വിനോദ് കപ്പിത്താന്, റാഫി അഡൂര്, രജിത രാജന്, ഷിബിന് ഉപ്പിലിക്കൈ, ആബിദ് എടച്ചേരി, ജുനൈദ് ഉറുമി, എച്ച്.ആര്. വിനീത്, അനൂപ് ഓര്ച്ച, ജതീഷ് കായക്കുളം, മുഹമ്മദ് മലന്തൂര്, വിഷ്ണു കാട്ടുമാടം, ഭാഗ്യലക്ഷ്മി സുരേഷ് എന്നിവര് നേതൃത്വം നല്കി.
കാസര്ഗോഡ്: കേന്ദ്രസര്ക്കാരിന്റെ ഇന്ധനവിലവര്ധനക്കെതിരെ ഇരുചക്രവാഹനങ്ങള് തള്ളി പ്രതിഷേധിച്ച് കെഎസ്യു. കാസര്ഗോഡ് പുതിയ ബസ്സ്റ്റാന്ഡില് നിന്ന് പ്രസ് ക്ലബ് ജംഗ്ഷനിലുള്ള പെട്രോള് പമ്പു വരെയാണ് ബൈക്കുകളും സ്കൂട്ടറുകളും തള്ളി പ്രതിഷേധിച്ചത്.
എഐസിസി കോ-ഓര്ഡിനേറ്റര് മനാഫ് നുള്ളിപ്പാടി ഉദ്ഘാടനം ചെയ്തു. ജവാദ് പുത്തൂര് അധ്യക്ഷത വഹിച്ചു. കെ. ആദര്ശ്, അന്സാരി, അഖില് ജോണ്, വിഷ്ണു ഇരിയണ്ണി, എസ്. സുജിത്, വൈഷ്ണവ് കോളിച്ചാല്, ഷജാഹ് പട്ള എന്നിവര് നേതൃത്വം നല്കി.
District News
എടത്വ: കെപിസിസിയുടെ ആഹ്വാന പ്രകാരം ഇന്ധന വില വര്ധനവ് പിന്വലിക്കുക എന്ന ആവശ്യം ഉന്നയിച്ച് മുട്ടാര് മണ്ഡലം കോണ്ഗ്രസ് കമ്മിറ്റിയുടെ നേതൃത്വത്തില് മിത്രക്കരിയില് പ്രതിഷേധ പ്രകടനവും യോഗവും സംഘടിപ്പിച്ചു. മണ്ഡലം പ്രസിഡന്റ് ബ്ലസ്റ്റന് തോമസ് അധ്യക്ഷത വഹിച്ചു.
പഞ്ചായത്ത് പ്രസിഡന്റ് വി.എൻ. വിശ്വംഭരന് ഉദ്ഘാടനം ചെയ്തു. ജോബിന് പൂയപ്പള്ളി, ജെസി പുളിന്താനം, സുഭാഷ് പുത്തന്ചിറ, ജേക്കബ് ജോസഫ്, അനില് ആലയിൽ, ടോമിച്ചന് പന്ത്രണ്ടില്, തങ്കച്ചന് ഇളവുങ്കരി , മധു പനക്കശേരി, ഗോപന് വൃന്ദാവനം, മഹേശന് നെല്ലാനിക്കൽ, ഗോപന് കൈലാസം എന്നിവര് പ്രസംഗിച്ചു.
Kerala
കോഴിക്കോട്: സംസ്ഥാനത്തെ ഇന്ധന വില വർധനവിൽ പ്രതികരിച്ച് ബസ് ഓപ്പറേറ്റേഴ്സ് ഫെഡറേഷന്. ഇന്ധന വിലയിൽ വർധന തുടർന്നാൽ അടുത്തയാഴ്ച മുതല് സംസ്ഥാനത്ത് സ്വകാര്യബസുകള് സർവീസ് നടത്തില്ലെന്ന് ബസ് ഓപ്പറേറ്റേഴ്സ് ഫെഡറേഷന് അറിയിച്ചു.
ഗതികേട് കൊണ്ടാണ് സർവീസ് അവസാനിപ്പിക്കേണ്ടി വരുന്നതെന്ന് ബസ് ഓപ്പറേറ്റേഴ്സ് ഫെഡറേഷന് സംസ്ഥാന ജനറല് സെക്രട്ടറി ഹംസ ഏരിക്കുന്നന് പറഞ്ഞു. ഇത് സമര പ്രഖ്യാപനമല്ല. കനത്ത നഷ്ടം സഹിച്ചാണ് സ്വകാര്യ ബസുകൾ സർവീസ് നടത്തുന്നതെന്നും അദ്ദേഹം വ്യക്തമാക്കി.
സ്വകാര്യ ബസുകള്ക്ക് സബ്സിഡിയോടെ ഡീസല് നല്കാന് കേന്ദ്ര-സംസ്ഥാന സര്ക്കാരുകള് തയാറാകണമെന്നാണ് ബസ് ഉടമകളുടെ ആവശ്യം. യാത്രാ നിരക്ക് വര്ധിപ്പിക്കണമെന്ന ആവശ്യം ബസുടമകള്ക്കില്ല. സംസ്ഥാന സര്ക്കാര് ബസുടമകളുമായി ചര്ച്ച നടത്തണമെന്നും ഹംസ ഏരിക്കുന്നന് ആവശ്യപ്പെട്ടു.
National
ന്യൂഡൽഹി: രാജ്യം കടുത്ത ഇന്ധനവില വർധനവിനെ അഭിമുഖീകരിക്കുമ്പോൾ പ്രധാനമന്ത്രി നരേന്ദ്ര മോദിക്കും കേന്ദ്ര സർക്കാരിനുമെതിരെ രൂക്ഷമായ ആക്രമണവുമായി കോൺഗ്രസ്. നാല് വർഷത്തിന് ശേഷം രാജ്യത്ത് പെട്രോൾ, ഡീസൽ വില വർധിപ്പിച്ച നടപടിയെ 'വസൂലി' (പിടിച്ചുപറി) എന്ന് വിശേഷിപ്പിച്ചാണ് കോൺഗ്രസ് രംഗത്തെത്തിയത്.
വെള്ളിയാഴ്ച പുറത്തുവന്ന റിപ്പോർട്ടുകൾ പ്രകാരം, കോൺഗ്രസ് അധ്യക്ഷൻ മല്ലികാർജുൻ ഖാർഗെയും രാഹുൽ ഗാന്ധിയും കേന്ദ്ര സർക്കാരിന്റെ നയങ്ങളെ കടുത്ത ഭാഷയിലാണ് വിമർശിച്ചത്. അഞ്ച് സംസ്ഥാനങ്ങളിലെ നിയമസഭാ തെരഞ്ഞെടുപ്പുകൾ അവസാനിച്ചതിന് പിന്നാലെയാണ് സർക്കാർ ജനങ്ങളെ കൊള്ളയടിക്കാൻ തുടങ്ങിയതെന്ന് കോൺഗ്രസ് ആരോപിച്ചു.
പെട്രോളിനും ഡീസലിനും ലിറ്ററിന് മൂന്ന് രൂപ വരെയും സിഎൻജിക്ക് രണ്ട് രൂപയും വർധിപ്പിച്ചത് സാധാരണക്കാരുടെ കുടുംബ ബജറ്റ് താളംതെറ്റിക്കുമെന്ന് കോൺഗ്രസ് ചൂണ്ടിക്കാട്ടി. സ്വർണം വാങ്ങുന്നത് നിയന്ത്രിക്കാനുള്ള കേന്ദ്രത്തിന്റെ പുതിയ നീക്കങ്ങൾ ആഭരണ നിർമ്മാണ മേഖലയെ തകർക്കുമെന്നും കോടിക്കണക്കിന് ആളുകളുടെ ഉപജീവനമാർഗം തടയുമെന്നും കോൺഗ്രസ് ആരോപിച്ചു.
National
ന്യൂഡൽഹി: ആഗോള വിപണിയിൽ അസംസ്കൃത എണ്ണവില കുതിച്ചുയരുന്നതിനിടെ രാജ്യത്ത് ഇന്ധനവില വർധിപ്പിച്ച് സ്വകാര്യ കമ്പനിയായ നയാര എനർജി. പെട്രോളിന് ലിറ്ററിന് 5.30 രൂപയും ഡീസലിന് 3 രൂപയുമാണ് വർധിപ്പിച്ചത്. പുതിയ നിരക്കുകൾ നിലവിൽ വന്നു.
ഗുജറാത്തിലെ വാദിനാറിലുള്ള നയാരയുടെ റിഫൈനറി ഏപ്രിൽ ആദ്യവാരം മുതൽ 35 ദിവസത്തേക്ക് അറ്റകുറ്റപ്പണികൾക്കായി അടച്ചിടുകയാണ്. ഇത് രാജ്യത്തെ എണ്ണ ശുദ്ധീകരണ ശേഷിയെ ബാധിക്കുമെന്ന ആശങ്ക ഉയർത്തിയിട്ടുണ്ട്. നയാര വില വർധിപ്പിച്ചെങ്കിലും ഇന്ത്യൻ ഓയിൽ, ഭാരത് പെട്രോളിയം , ഹിന്ദുസ്ഥാൻ പെട്രോളിയം തുടങ്ങിയ പൊതുമേഖലാ കമ്പനികൾ നിലവിൽ വില കൂട്ടിയിട്ടില്ല. എന്നാൽ സ്വകാര്യ കമ്പനികളുടെ ചുവടുപിടിച്ച് വരും ദിവസങ്ങളിൽ പൊതുമേഖലാ കമ്പനികളും വില വർധിപ്പിക്കുമോ എന്ന ആശങ്കയിലാണ് ഉപഭോക്താക്കൾ.
ഊർജ പ്രതിസന്ധി അതിരൂക്ഷമായതോടെ അമേരിക്കയുടെ പ്രത്യേക അനുമതിയോടെ ഇറാനിൽ നിന്ന് ഇന്ത്യ എൽപിജി ഇറക്കുമതി ചെയ്യാൻ തീരുമാനിച്ചതായും റിപ്പോർട്ടുകളുണ്ട്. ഇറാനിൽ നിന്നുള്ള എൽപിജി ശേഖരവുമായി 'അറോറ' എന്ന കപ്പൽ മംഗലാപുരം തുറമുഖത്തെത്തുമെന്നാണ് വിവരം.